Ashylý barysynda Premer-Ministrdiń orynbasary is-sharanyń barlyq qatysýshylaryna alǵysyn bildirdi, sondai-aq Qazaqstan men Belarýs arasyndaǵy qarym-qatynas barlyq baǵyttar boiynsha damyp kele jatqanyn jáne oń dinamikaǵa ie ekenin atap ótti, dep habarlaidy "Ult aqparat".
Qazaqstan-Belarýs biznes-forýmy Belarýs Respýblikasynyń Prezidenti Aleksandr Lýkashenkonyń Qazaqstanǵa resmi sapary aiasynda ótti. Resmi sharaǵa Belarýs Premer-Ministriniń birinshi orynbasary Aleksandr Týrchin, sondai-aq eki eldiń resmi jáne isker toptarynyń 200-den astam ókilderi qatysty.
Forým qorytyndysy boiynsha taraptar jalpy somasy $75 mln turatyn mashina jasaý, agroónerkásip kesheni, farmatsevtika salalary boiynsha kelisimderge qol qoidy.
Belarýs Qazaqstannyń álemdik arenadaǵy jetekshi seriktesteriniń biri bolyp tabylatynyn atap ótý qajet. Táýelsizdik alǵan sátten bastap qazirgi ýaqytqa deiin Qazaqstan-Belarýs yntymaqtastyǵynyń sharttyq-quqyqtyq bazasy áleýmettik-ekonomikalyq jáne strategiialyq qatynastardyń túrli salalaryndaǵy 70-ten astam sharttar men kelisimderden turady.
