Búgin QR Premer-Ministriniń orynbasary Roman Skliar elimizdiń Energetika ministrligine munai-gaz himiiasyndaǵy investitsiialyq kelisimderdi ázirleýdi baqylaýǵa alýdy tapsyrdy, dep habarlaidy "Ult aqparat".
«Úkimettiń keńeitilgen otyrysynda Memleket basshysy júzege asyrylyp jatqan munai-gaz himiiasy óndirisin jedeldetý, sonymen qatar áleýetti investorlar úshin tartymdy jaǵdai jasaý jónindegi is-sharalar qabyldaý mindetin júktegen bolatyn. Osyǵan orai, bul salasynyń elimiz úshin mańyzdylyǵyn eskere otyryp, 2025 jylǵa deiin munai-gaz himiiasyn damytý jónindegi ulttyq jobanyń júzege asyrylýyn jáne investitsiialyq kelisimderdi ázirleýdi baqylaýǵa alýdy ótinemin», - dedi Úkimet basshysynyń orynbasary QR Energetika ministrliginiń keńeitilgen alqa otyrysynda.
