Berlinde ótken Qazaqstan-Germaniia biznes forýmyna Premer-Ministrdiń orynbasary Roman Skliar bastap barǵan memlekettik organdar men kvazimemlekettik kompaniialardyń ókilderinen quralǵan qazaqstandyq delegatsiia qatysty, dep habarlaidy "Ult aqparat".
Rrimeminister saityndaǵy aqparatqa sáikes, forýmǵa eki eldiń iskerlik ortasynyń 200-den astam ókili qatysty. Is-shara sheńberinde investitsiialyq jáne saýda-ekonomikalyq salalardaǵy perspektivaly jobalar qaraldy. Sondai-aq nemis kompaniialarymen jalpy somasy 700 millionǵa jýyq dollardy quraityn investitsiialyq jobalardy iske asyrý týraly ýaǵdalastyqqa qol jetkizildi. Budan ózge, LindeGas, SMS Group, CLAAS Group siiaqty jáne taǵy basqa kompaniialarmen yntymaqtastyq keleshegi talqylandy.
Roman Skliar biznes forým saýda-ekonomikalyq jáne investitsiialyq yntymaqtastyqty belsendendirý, logistika siiaqty ózekti salalarda seriktestiktiń damýyna serpin berý, sondai-aq ekijaqty ózara is-qimyldyń jańa múmkindikterin ashý úshin jaqsy alań bolǵanyn atap ótti.
QR Úkimeti basshysynyń orynbasary atap ótkendei, Germaniia uzaq jyldar boiy Qazaqstannyń strategiialyq seriktesi men senimdi dosy bolyp keledi. Diplomatiialyq qatynastar ornatylǵan 27 jyl ishinde elderimiz arasynda yntymaqtastyqtyń irgesi myqty arhitektýrasy quryldy.
Budan ózge, kóp jyldar boiy Germaniia Qazaqstannyń jetekshi syrtqy ekonomikalyq seriktesteriniń biri. Mysalǵa, 2018 jyldyń qorytyndysy boiynsha taýar ainalymy tarihi maksimým – 5,1 mlrd eýroǵa jetti. Bul Germaniianyń Ortalyq Aziianyń barlyq elderimen syrtqy saýdasynyń shamamen 85% quraidy. Bul rette, sońǵy 14 jylda nemis kompaniialary Qazaqstanǵa shamamen $5 mlrd investitsiialady.
Qazaqstan-german qatynastarynyń mańyzdy kezeńderiniń biri – bul Qazaqstan men Germaniianyń saiasi, ekonomikalyq jáne sarapshylyq ortalarynyń ókilderi úshin formaldy emes alań retinde Saýda-ekonomikalyq yntymaqtastyq jónindegi úkimetaralyq jumys toby (ÚAJT), Strategiialyq yntymaqtastyq jónindegi Qazaqstan-German Iskerlik keńesi, sondai-aq Berlin Eýraziialyq klýby siiaqty qurylymdardyń ashylýy men belsendi jumysy.
Budan bólek, Roman Skliar nemis biznesi úshin bizdiń el Ortalyq Aziiadaǵy senimdi seriktes ekenin atap ótti. Búgin Qazaqstan biznes júrgizý úshin eń qolaily sharttar usynady. Sebebi biznesmenderdiń barlyq bastamalary memleket pen Úkimettiń tarapynan únemi qoldaý tabady.
