«SQ Farmatsiia» JShS-nyń burynǵy basqarma tóraǵasy Berik Shárip ustaldy. Bul týraly QR Sybailas jemqorlyqqa qarsy is-qimyl agenttiginiń baspasóz qyzmetinen málim etti, dep habarlaidy "Ult aqparat".
TJ kezinde meditsinalyq buiymdardy satyp alý kezinde ókilettigin teris paidalaný faktisi boiynsha «SQ Farmatsiia» JShS-nyń burynǵy Basqarma tóraǵasy ustalyp, Nur-Sultan qalalyq politsiia departamentiniń ýaqytsha tergeý izoliatoryna qamaldy.
«14 tamyzda sottyń sanktsiiasymen kúdikti qamaýǵa alyndy. Kinálilik dárejesi týraly túpkilikti sheshimdi sot shyǵarady», - deidi QR Sybailas jemqorlyqqa qarsy is-qimyl agenttigi birinshi departamentiniń asa mańyzdy ister jónindegi tergeýshisi Daniiar Biǵaidarov.
Tergeý múddesi úshin ózge aqparat jariia etilmeidi.
Eske sala ketsek, Memleket basshysy Qasym-Jomart Toqaevtyń tóraǵalyǵymen ótken Úkimettiń keńeitilgen otyrysynda MÁMS qory men «SQ Farmatsiia» basshylaryn jumystan shyǵarýdy tapsyrǵan bolatyn. Keiin «SQ Farmatsiia» qyzmetinde tekserý bastaldy.
