«سق فارماتسييا» جشس-نىڭ بۇرىنعى باسقارما تٶراعاسى بەرٸك شەرٸپ ۇستالدى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
تج كەزٸندە مەديتسينالىق بۇيىمداردى ساتىپ الۋ كەزٸندە ٶكٸلەتتٸگٸن تەرٸس پايدالانۋ فاكتٸسٸ بويىنشا «سق فارماتسييا» جشس-نىڭ بۇرىنعى باسقارما تٶراعاسى ۇستالىپ, نۇر-سۇلتان قالالىق پوليتسييا دەپارتامەنتٸنٸڭ ۋاقىتشا تەرگەۋ يزولياتورىنا قامالدى.
«14 تامىزدا سوتتىڭ سانكتسيياسىمەن كٷدٸكتٸ قاماۋعا الىندى. كٸنەلٸلٸك دەرەجەسٸ تۋرالى تٷپكٸلٸكتٸ شەشٸمدٸ سوت شىعارادى», - دەيدٸ قر سىبايلاس جەمقورلىققا قارسى ٸس-قيمىل اگەنتتٸگٸ بٸرٸنشٸ دەپارتامەنتٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بيعايداروۆ.
تەرگەۋ مٷددەسٸ ٷشٸن ٶزگە اقپارات جارييا ەتٸلمەيدٸ.
ەسكە سالا كەتسەك, مەملەكەت باسشىسى قاسىم-جومارت توقاەۆتىڭ تٶراعالىعىمەن ٶتكەن ٷكٸمەتتٸڭ كەڭەيتٸلگەن وتىرىسىندا مەمس قورى مەن «سق فارماتسييا» باسشىلارىن جۇمىستان شىعارۋدى تاپسىرعان بولاتىن. كەيٸن «سق فارماتسييا» قىزمەتٸندە تەكسەرۋ باستالدى.
