"Qazaqstan Respýblikasynyń Monopoliiaǵa qarsy organy tegin meditsinalyq kómektiń kepildik berilgen kólemi aiasynda dárilik zattardy satyp alý jáne halyqty olarmen qamtamasyz etý boiynsha biryńǵai distribiýtor bolyp tabylatyn «SK-Farmatsiia» JShS-nyń ústem monopoliialyq jaǵdaidy teris paidalaný faktisin anyqtady", - dep habarlaidy "Ult aqparat".
«Astana qalasy sottarynyń zańdy kúshine engen sheshimderimen 2010-2015 jyldar aralyǵy kezeńinde «SK-Farmatsiia» JShS dárilik zattardy saqtaý jáne tasymaldaý jónindegi kórsetiletin qyzmetterdiń satyp alynýyn biryńǵai lotpen zańsyz júzege asyrǵany ańyqtaldy. Osylaisha basqa da naryq sýbektilerine osy qyzmetterdi kórsetýge qol jetkizýin shektedi. Sondai-aq, «STOFARM» JShS lottardyń jeńimpazdaryna qosymsha mindetterdi negizsiz tańýy ańyqtaldy»,- dep habarlady Ulttyq ekonomika ministrligine.
Vedomstvo aqparatyna qaraǵanda, bul áreketter taýarlardy saqtaý jáne tasymaldaý qyzmetteri naryǵynda básekelestikti shekteýge ǵana emes, kórsetilgen qyzmetter qunynyń ósýine de alyp kelýi múmkin. Sot salǵan ákimshilik aiyppul somasy 1,3 mlrd. teńgeni qurady.
