«SQ-Farmatsiia» JShS Basqarma tóraǵasy Berik Shárip pen «Áleýmettik meditsinalyq saqtandyrý qory» KEAQ Basqarma tóraǵasy Aibatyr Jumaǵulov qyzmetinen bosatyldy, dep habarlaidy QR DSM baspasóz qyzmeti.
Qazaqstan Respýblikasy Densaýlyq saqtaý ministriniń 2020 jylǵy 10 shildedegi buiryǵymen berilgen ótinish negizinde jáne Qazaqstan Respýblikasynyń Premer-Ministriniń kelisimi boiynsha «SQ-Farmatsiia« JShS-nyń Basqarma tóraǵasy B.Sh. Shárip qyzmetinen bosatyldy.
QR Densaýlyq saqtaý ministriniń 2020 jylǵy 10 shildedegi buiryǵymen berilgen ótinish negizinde «Áleýmettik meditsinalyq saqtandyrý qory« KEAQ Basqarma tóraǵasy A.N. Jumaǵulov qyzmetinen bosatyldy», delingen habarlamada.
Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeitilgen búgingi otyrysynda MÁMS qory men «SQ Farmatsiia» basshylaryn jumystan shyǵarýdy tapsyrǵan bolatyn.
«Týyndaǵan qiyndyqqa kinálilerdiń bárine qatysty tergeý júrgizý kerek. Jaýapkershilikke tartqan durys. MÁMS qory men «SQ Farmatsiia» basshylary jumystan shyǵarylsyn. Kerek bolsa tergeý júrgizgen jón», - dedi Qasym-Jomart Toqaev.
«Keiingi kezde Mindetti áleýmettik meditsinalyq saqtandyrý qorynyń ainalasynda ártúrli áńgime órship ketti. Menińshe onyń basshylyǵyna iskerirek ári jaýaptyraq adamdy qoiý kerek», - dedi Prezident.
