«SK-Farmatsiia» kompaniiasy koronavirýs infektsiiasy órshigen jaǵdaida kerekti meditsinalyq preparattardyń qoryn qurdy. Bul jaily «SK-Farmatsiia» JShS basshysy Berik Shárip málim etti, dep habarlaidy "Ult aqparat".
«Dúniejúzilik densaýlyq saqtaý uiymy jaǵdaidy baqylap, árdaiym monitoring júrgizip otyr. Uiym epidemiiaǵa qarsy engizilgen sharalardy taldaidy. Al bizdiń aldymyzǵa naqty mindet qoiyldy. Ol – virýsqa qarsy meditsinalyq quraldarmen, qyzý túsiretin preparattarmen, qorǵanys quraldarymen qamtamasyz etý. Tapsyrmalardyń biri oryndaldy. Iaǵni koronavirýs infektsiiasyn juqtyrǵandar sany artqan jaǵdaida kerekti meditsinalyq preparattardyń qoryn quryp qoidyq. Osylaisha naýqas sany 10 myńǵa jetken jaǵdaiǵa arnap qor jasadyq. Qajettilik týyndasa biz bul preparattardy qoimadan alyp shyǵyp, halyqty qamtamasyz etemiz», - dedi Berik Shárip Sybailas jemqorlyqqa qarsy is-qimyl agenttiginiń Facebook paraqshasynda onlain-rejimde ótken jiynda.
Onyń aitýyna qaraǵanda, koronavirýspen kúres tásilderiniń álemde sipaty ártúrli. Sol sebepti tirkelgen naýqas sany da árqily.
«Búkil álem iek artyp otyrǵan eki amal bar. Biri – karantin sharalaryn engizý. Ekinshisi – Shvetsiia, Belarýs tańdaǵan ádis. Iaǵni ekinshi ataǵanym – karantin tártibin qolai kórmegen memleketter. Alaida biz karantin engizbesek, naýqastar sany kúrt ósip ketetinin uǵýymyz kerek. Mysaly 18 million halqy bar Qazaqstanda naýqas sany úsh myńnyń mańaiynda. Al 10 million turǵyny bar Belarýste naýqas sany 10 myńnan asyp jyǵyldy. Kúres ádisi ártúrli bolǵannan keiin sandar da bólek. Naqty qai ádistiń nátijeli ekenin epidemiia bitkennen keiin kóre jatarmyz», - deidi Berik Shárip.
