«SQ-Farmatsiia» JShS-nyń basqarma tóraǵasy Erhat Esqaliev koronavirýsqa qarsy preparattarmen qamtamasyz etý jaiynda baiandady, dep habarlaidy QazAqparat.
«Vedomstvoaralyq komissiianyń tapsyrmasy boiynsha koronavirýstyń jańa tolqynyna daiyn bolý úshin eldiń barlyq meditsinalyq uiymdarynda ailyq qordy qalyptastyrý týraly sheshim qabyldandy. Qazirgi kezde Biryńǵai distribiýtor 20 mlrd teńgeden astam somaǵa 91 túrli dári-dármek jóneltti, onyń orny jedel túrde toltyrylýda», - dedi Esqaliev Ortalyq kommýnikatsiialar qyzmetinde.
Onyń aitýynsha, pnevmoniia, KVI-ge shaldyqqan naýqastardy antibiotiktermen jáne qyzýdy túsiretin tegin ambýlatoriialyq dári-dármekpen qamtamasyz etý uiymdastyryldy. Osy oraida 5 ataý – qyzýdy túsiretin Paratsetamol jáne Ibýprofen preparattary, Rivaroksaban, Apiksaban jáne Dabigatran antikoagýlianttary qamtylǵan. Shamamen 2 mlrd teńge somasyna 1 mln adamdy qamtý josparlanýda.
«KVI-diń yqtimal jańa tolqynyna daiyndyq maqsatynda Biryńǵai distribiýtor COVID-19 boiynsha dárilik zattardyń eki ailyq qoryn (tómendetilmeitin qor) qalyptastyrdy.
«Statsionarlarda aiyna 60 000 patsientti COVID-19 koronovirýstyq infektsiiasynan emdeý úshin dári-dármekterdiń 44 ataýy satyp alynaýda. Preparattardyń bul toptary bir-birin almastyrady jáne derttiń aýyrlyǵyna bailanysty emdeýshi dáriger taǵaiyndaidy. Qazirgi ýaqytta COVID-19-ǵa arnalǵan dárilik zattardyń 44 ataýynan 39 dári-dármek satyp alyndy. Gýmanitarlyq kómek aiasynda qajetti dári-dármekterdi jetkizý máselesi qosymsha pysyqtalýda», - dedi Erhat Esqaliev.
Tómendetilmeitin qor kólemi bekitilgen kestege sáikes Biryńǵai distribiýtordyń 4 habyna jetkiziledi.
