Ortalyq kommýnakatsiialar alańynda Shyǵys Qazaqstan oblysynyń ákimi Danial Ahmetovke standarttan tys suraq qoiyldy, dep habarlaidy Ulysmedia.kz.
Baspasóz máslihaty barysynda «Nege» saitynyń jýrnalisi Serik Joldasbai ákimnen «Danial Kenjetaiuly, baǵanadan beri óz baiandamańyzdyń 80 paiyzyn orys tilinde jasadyńyz. Siz ózi Shyǵys Qazaqstan oblysynyń ákimisiz be, álde Resei Federatsiiasynyń bir gýbernatorysyz ba?» dep surady.
Bul suraqqa abdyrap qalǵan ákim bylai dedi.
«Óte qyzyq suraq eken. Men Qazaqstan azamatymyn. Shyǵys Qazaqstan oblysynyń ákimimin», - dep jaýap berdi.
«Siz baiandamańyzdyń 80 paiyzyn qazaq tilinde jasamadyńyz?» degen suraqqa Ahmetov «men sizge qazaq tilinde jaýap berip turmyn» dedi.
Osy kezde spiker men jýrnalistiń arasyna moderator túsip, tilshini «Serik myrza, bul taqyryptan tys suraq, suhbatyńyzda qoiýyńyzǵa bolady» dep toqtatty.
