ورتالىق كوممۋناكاتسييالار الاڭىندا شىعىس قازاقستان وبلىسىنىڭ ەكٸمٸ دانيال احمەتوۆكە ستاندارتتان تىس سۇراق قويىلدى, دەپ حابارلايدى Ulysmedia.kz.
باسپاسٶز مەسليحاتى بارىسىندا «نەگە» سايتىنىڭ جۋرناليسٸ سەرٸك جولداسباي ەكٸمنەن «دانيال كەنجەتايۇلى, باعانادان بەرٸ ٶز بايانداماڭىزدىڭ 80 پايىزىن ورىس تٸلٸندە جاسادىڭىز. سٸز ٶزٸ شىعىس قازاقستان وبلىسىنىڭ ەكٸمٸسٸز بە, ەلدە رەسەي فەدەراتسيياسىنىڭ بٸر گۋبەرناتورىسىز با?» دەپ سۇرادى.
بۇل سۇراققا ابدىراپ قالعان ەكٸم بىلاي دەدٸ.
«ٶتە قىزىق سۇراق ەكەن. مەن قازاقستان ازاماتىمىن. شىعىس قازاقستان وبلىسىنىڭ ەكٸمٸمٸن», - دەپ جاۋاپ بەردٸ.
«سٸز بايانداماڭىزدىڭ 80 پايىزىن قازاق تٸلٸندە جاسامادىڭىز?» دەگەن سۇراققا احمەتوۆ «مەن سٸزگە قازاق تٸلٸندە جاۋاپ بەرٸپ تۇرمىن» دەدٸ.
وسى كەزدە سپيكەر مەن جۋرناليستٸڭ اراسىنا مودەراتور تٷسٸپ, تٸلشٸنٸ «سەرٸك مىرزا, بۇل تاقىرىپتان تىس سۇراق, سۇحباتىڭىزدا قويۋىڭىزعا بولادى» دەپ توقتاتتى.
