Foto: Baian Alagózovanyń Instagram-paraqshasynan
Baian Alagózova Qazaqstannyń Halyq ártisi Merýert Ótekeshovamen kezdesip, óner iesine páter syilaitynyn málimdedi, dep habarlaidy Ult.kz.
Kezdesý barysynda prodiýser aktrisaǵa tarihi qamzol, ekskliýziv zergerlik buiymdar men arnaiy tigilgen ton syiǵa tartqan. Ásirese Qyz Jibek filmine qatysty tarihi qamzoldyń tabystalýy kóptiń nazaryn aýdardy. Baian Alagózovanyń aitýynsha, 56 jyl saqtalǵan ulttyq kiimniń áshekeii men pishini sol kúii qalǵan.
– Siz – qazaq óneriniń ikonasysyz. Sizdei adam joq jáne bolmaidy, – dedi prodiýser.
Kezdesýdiń eń áserli sáti – Baian Alagózovanyń aktrisaǵa páter syilaitynyn jariialaýy boldy. Onyń sózinshe, Merýert Ótekeshova ózi qalaǵan aýdannan, óz qalaýyndaǵy baspanany tańdai alady.
– Siz eń jaqsy jaǵdaida ómir súrýge laiyqsyz, – dedi prodiýser.
Óz kezeginde aktrisa mundai qurmetke tolqyp, alǵys aitýǵa sóz tappai qalǵanyn jetkizdi.
Kezdesý barysynda qazaq qyzdarynyń bolmysy men rýhy týraly da áńgime qozǵaldy. Aktrisa naǵyz qazaq qyzynyń beinesin Qyz Jibek keiipkerimen bailanystyrdy.
– Qazaq qyzdary – rýhy biik, óz tańdaýyn ózi jasai alatyn jandar, – dedi Merýert Ótekeshova.
