Foto: kazlenta.kz
Astananyń burynǵy ákimi, qazirgi Estoniiadaǵy Qazaqstannyń Tótenshe jáne Ókiletti elshisi Altai Kúlginov ózine qatysty pikirlerge jaýap berdi, dep habarlaidy Ult.kz.
Onyń aitýynsha, diplomat bolý — «sylai salatyn qyzmet emes, joǵary jaýapkershilik júkteitin halyqaralyq mindet».
Kúlginov Estoniiadaǵy elshi qyzmetine taǵaiyndalýyna qatysty suraqtarǵa jaýap berdi. Video jýrnalist Botagóz Omarovanyń paraqshasynda jariialandy.
Ol búgin Aqordada Qazaqstan men Estoniia prezidentteriniń kelissózderine qatysty. Aita keteiik, Kúlginov osy jyldyń naýryzynda elshi bolyp taǵaiyndalǵan. Burynǵy ákim diplomatiialyq qyzmetti «silteý», «syrtqa jiberý» nemese «silteý orny» dep ataǵan pikirlerge úzildi-kesildi qarsy shyqty.
«Bul — úlken jaýapkershilik júkteitin halyqaralyq qyzmet. Mundai salystyrýlar barlyq elshilerdi renjitýi múmkin», — dedi ol.
Kúlginov óziniń ákim bolǵan kezdegi syn-eskertýlerge túsinistikpen qaraitynyn aitty. Onyń sózinshe, elorda — prezidenttiń turaqty baqylaýyndaǵy aimaq, sondyqtan pikirtalas pen syn «tabiǵi nárse».
Aita keteiik, Altai Kúlginov 2023 jyly elordanyń sý tapshylyǵy, núktelik qurylys jáne Taldykólge qatysty máselelerden keiin ákim qyzmetinen ketken. Bul kezeńde qoǵam tarapynan aitarlyqtai syn týyndaǵan edi.
