Úkimettiń búgingi otyrysynda QR Ulttyq qaýipsizdik komiteti Siriiadan kelgen qazaqstandyqtar týraly aqparatty jariialady, dep habarlaidy QazAqparat tilshisi.
"Ózderińiz jaqsy bilesizder, xalyqaralyq terroristik uiymdar Siriia men Irakta jeńilis tapty. Sondyqtan ondaǵy sodyrlar otbasylarymen birge basqa jerge, sonyń ishinde óz elderine qonys aýdarýda. Mysaly, qazirgi kezde Qazaqstanǵa 125 azamat qaita oralyp, olardyń 57-si sottaldy, qalǵandary baqylaýda. Bul jerde nazar aýdaratyn mańyzdy másele, qaityp kelgender radikaldyq kózqarasty ustanýda. Olarmen profilaktika men beiimdeý jumystary júrgizilýde", - dedi QR Ulttyq qaýipsizdik komiteti tóraǵasynyń orynbasary Nurǵali Bilisbekov.
Onyń aitýynsha, ekstremizm men terrorizmdi nasixattaý qarqyny qazaqstandyq qoǵamda radikaldanýǵa sebepshi bolatyndai joǵary deńgeide saqtalýda. "Sondyqtan osy jáne basqa da faktorlar terrorizm men dini ekstremizmge qarsy memlekettik kúres júiesin odan ary damytý qajettigin kórsetip otyr", - dep atap kórsetti N.Bilisbekov.
Aita keteiik, Úkimettiń búgingi otyrysynda QR Ulttyq qaýipsizdik komiteti terrorizmge qarsy kúreske arnalǵan besjyldyq baǵdarlamany tanystyrdy. Ministrler kabineti atalǵan qujatty maquldady.
