Foto: ashyq derekkóz
Siriiada ekstremister jaǵynda soǵysqan qazaqstandyqty túrik politsiiasy ustady. QR UQK habarlaǵandai, birneshe jyl buryn Qazaqstan azamaty Siriiaǵa baryp, qarýly toptardyń birine qosylǵan, dep habarlaidy Ult.kz.
Naqty qaisynda soǵysqanyn vedomstvo habarlamady, biraq onyń halyqaralyq terroristik uiymǵa qatysy bar dep kúdiktenedi.
Biraz ýaqyttan keiin er adam Siriiadan Túrkiiaǵa jetken. Antaliada ony jergilikti politsiia ustady.
"Onyń óz erkimen Qazaqstanǵa qaityp, zańmen qarastyrylǵan qylmystyq jaýapkershilikti tartýǵa daiyn ekeni anyqtaldy", — dep habarlady UQK baspasóz qyzmeti.
Siriiadaǵy azamattyq soǵystyń burynǵy qatysýshysy Almatyǵa jetkizildi, figýrantqa qatysty Qylmystyq kodekstiń 257-baby 2-bóligi boiynsha sotqa deiingi tergep-tekserýdi júrgizýde.
Qarashanyń basynda Túrkistan oblysynda "Hizb ýt-Tahrir" ekstremistik uiashyǵy quryqtalǵanyn jazǵan bolatynbyz.
