فوتو: اشىق دەرەككٶز
سيرييادا ەكسترەميستەر جاعىندا سوعىسقان قازاقستاندىقتى تٷرٸك پوليتسيياسى ۇستادى. قر ۇقك حابارلاعانداي, بٸرنەشە جىل بۇرىن قازاقستان ازاماتى سيريياعا بارىپ, قارۋلى توپتاردىڭ بٸرٸنە قوسىلعان, دەپ حابارلايدى Ult.kz.
ناقتى قايسىندا سوعىسقانىن ۆەدومستۆو حابارلامادى, بٸراق ونىڭ حالىقارالىق تەرروريستٸك ۇيىمعا قاتىسى بار دەپ كٷدٸكتەنەدٸ.
بٸراز ۋاقىتتان كەيٸن ەر ادام سيرييادان تٷركيياعا جەتكەن. انتاليادا ونى جەرگٸلٸكتٸ پوليتسييا ۇستادى.
"ونىڭ ٶز ەركٸمەن قازاقستانعا قايتىپ, زاڭمەن قاراستىرىلعان قىلمىستىق جاۋاپكەرشٸلٸكتٸ تارتۋعا دايىن ەكەنٸ انىقتالدى", — دەپ حابارلادى ۇقك باسپاسٶز قىزمەتٸ.
سيريياداعى ازاماتتىق سوعىستىڭ بۇرىنعى قاتىسۋشىسى الماتىعا جەتكٸزٸلدٸ, فيگۋرانتقا قاتىستى قىلمىستىق كودەكستٸڭ 257-بابى 2-بٶلٸگٸ بويىنشا سوتقا دەيٸنگٸ تەرگەپ-تەكسەرۋدٸ جٷرگٸزۋدە.
قاراشانىڭ باسىندا تٷركٸستان وبلىسىندا "حيزب ۋت-تاحرير" ەكسترەميستٸك ۇياشىعى قۇرىقتالعانىن جازعان بولاتىنبىز.
