Siriiada oppozitsiialyq "Siriia demokratiialyq kúshteriniń" ókilderi eldiń soltústiginde terrorizm kúdigimen tórt adam ustalǵanyn, olardyń ekeýi - Resei azamaty ekenin málimdedi.
"Siriia demokratiialyq kúshteri" olardy Ýsmat Attaev jáne Djavad Han dep ataǵanymen, olardyń naqty qandai top quramynda bolǵanyn aitpaidy. Olar "uzaq ýaqyt ańdýdyń" arqasynda ǵana qolǵa túsken.
Ustalǵan reseilikter Rakka qalasynda terakt jasady jáne basqa da aimaqtarda terrorlyq shaǵyn toptar qurdy degen kúdikke ilikken.
Resei syrtqy ister ministrligi bul aqparat týraly áli túsinik bermedi.
"Siriia demokratiialyq kúshteri" AQSh-tyń qoldaýymen "Islam memleketi" ekstremistik uiymymen kúresip keledi. Resei biligi bul uiym quramynda birneshe myń reseilik baryn teristemeidi.
