Astana protsesiniń kepil memleketteri halyqaralyq uiymdardy Siriiadan aýǵan bosqyndardyń qaita oralýyna kómektesýge shaqyrdy, dep habarlaidy QazAqparat tilshisi.
«Bosqyndardyń qaýipsiz ári erikti túrde qaityp kelýine, olardy qaityp kelý quqyǵymen qamtamasyz etýge jáne Siriiadaǵy adamdardyń ishki qozǵalysyna kómektesýdiń mańyzdy ekenin basa aityp otyrmyz. Osyǵan bailanysty, halyqaralyq qaýymdastyqty sáikes qoldaý kórsetýge shaqyramyz jáne barlyq múddeli taraptarmen, onyń ishinde BUU Bosqyndar isi boiynsha Joǵarǵy komissar basqarmasymen, ózge de mamandanǵan halyqaralyq uiymdarmen ózara árekettesýge daiyn ekenimizdi málimdeimiz», - dedi QR Syrtqy ister ministriniń orynbasary Roman Vasilenko elordada Siriia boiynsha kelissózderdiń 13-raýndynda kepil memleketterdiń birlesken málimdemesin oqý barysynda.
Aita keteiik, elordada Siriiadaǵy daǵdarysty retteý boiynsha Astana protsesiniń 13-shi halyqaralyq kezdesýi ótti. Buǵan deiin Astana protsesiniń kepil memleketteri Siriiaǵa gýmanitarlyq kómekti arttyrý qajettigin aitqan. Al Siriia máseleleri boiynsha kelesi kezdesý 2019 jyldyń qazan aiynda Nur-Sultan qalasynda ótedi.
