Siriia úkimetiniń áskeri men ony qoldaityn kúshter "Islam memleketi" ekstremistik uiymynyń Siriiadaǵy sońǵy bekingen qalasy - Abý-Kamaldi basyp alaiyn dep tur. Bul týraly Siriianyń memlekettik aqparat quraldary men baqylaýshy toptar habarlady. Siriianyń memlekettik SANA agenttigi Abý-Kamal qalasy úshin shaiqas sońǵy shegine jetip qalǵanyn habarlady, dep jazady Azattyq.
Syrian Observatory for Human Rights uiymynyń habarlaýynsha, Siriia armiiasy men oǵan odaqtas kúshter irakshyl "Halyqtyq modilizatsiia kúshterimen" birge qalaǵa shabýyldap, keibir bólikterine baqylaý ornatyp úlgergen.
Abý-Kamal Siriianyń Irakpen shekarasynda ornalasqan. Siriia úkimetiniń áskeri men ony qoldaityn "Hezbolla" tobynyń jasaqtary qalaǵa batys jaǵynan, al Irak jaǵynan soǵysyp jatqan shiit kóterilisshileri shyǵys jaǵynan kirgen.
Biyl basyp alǵan qalalary men territoriialarynan shetinen aiyrylyp jatqan IM Evfrat ózeni boiyndaǵy ortalyǵy Abý-Kamal qalasy bolatyn shaǵyn ǵana territoriiany saqtap qalǵan bolatyn. IM 2015 jyly biligi ulǵaiǵan shaǵynda Irak pen Siriia territoriiasynyń úshten birine ielik etip turǵan.
