سيرييا ٷكٸمەتٸنٸڭ ەسكەرٸ مەن ونى قولدايتىن كٷشتەر "يسلام مەملەكەتٸ" ەكسترەميستٸك ۇيىمىنىڭ سيريياداعى سوڭعى بەكٸنگەن قالاسى - ابۋ-كامالدٸ باسىپ الايىن دەپ تۇر. بۇل تۋرالى سيرييانىڭ مەملەكەتتٸك اقپارات قۇرالدارى مەن باقىلاۋشى توپتار حابارلادى. سيرييانىڭ مەملەكەتتٸك SANA اگەنتتٸگٸ ابۋ-كامال قالاسى ٷشٸن شايقاس سوڭعى شەگٸنە جەتٸپ قالعانىن حابارلادى, دەپ جازادى ازاتتىق.
Syrian Observatory for Human Rights ۇيىمىنىڭ حابارلاۋىنشا, سيرييا ارميياسى مەن وعان وداقتاس كٷشتەر يراكشىل "حالىقتىق موديليزاتسييا كٷشتەرٸمەن" بٸرگە قالاعا شابۋىلداپ, كەيبٸر بٶلٸكتەرٸنە باقىلاۋ ورناتىپ ٷلگەرگەن.
ابۋ-كامال سيرييانىڭ يراكپەن شەكاراسىندا ورنالاسقان. سيرييا ٷكٸمەتٸنٸڭ ەسكەرٸ مەن ونى قولدايتىن "حەزبوللا" توبىنىڭ جاساقتارى قالاعا باتىس جاعىنان, ال يراك جاعىنان سوعىسىپ جاتقان شييت كٶتەرٸلٸسشٸلەرٸ شىعىس جاعىنان كٸرگەن.
بيىل باسىپ العان قالالارى مەن تەرريتورييالارىنان شەتٸنەن ايىرىلىپ جاتقان يم ەۆفرات ٶزەنٸ بويىنداعى ورتالىعى ابۋ-كامال قالاسى بولاتىن شاعىن عانا تەرريتورييانى ساقتاپ قالعان بولاتىن. يم 2015 جىلى بيلٸگٸ ۇلعايعان شاعىندا يراك پەن سيرييا تەرريتوريياسىنىڭ ٷشتەن بٸرٸنە يەلٸك ەتٸپ تۇرعان.
