Foto: report.az
Siriia sońǵy 14 jyldaǵy alǵashqy resmi munai tasymaldaýyn júzege asyrdy. 600 myń barrel eksporttyq partiiasy Jerorta teńizindegi Tartýs portynan jóneltildi, dep habarlaidy Report.az Siriianyń SANA memlekettik agenttigine silteme jasap.
Siriia energetika ministrliginiń ókili Riiad ál-Djýbasidiń aitýynsha, satyp alýshy B Serve Energy halyqaralyq saýda kompaniiasy bolǵan. Munaidyń birinshi partiiasyn tasymaldaý Nissos Christiana tankerinde júzege asyrylady. Siriialyq sheneýnik atap ótkendei, jetkizilim kólik jelileriniń, munai saqtaý qoimalarynyń jáne port infraqurylymynyń jumys isteý dárejesin anyqtaýǵa múmkindik beredi.
Siriia munai tasymaldaý kompaniiasynyń bas direktory Maan Pasha qazirgi eksport kólemi eldiń ishki qajettilikterinen asyp túsetinin atap ótti. Onyń aitýynsha, tankerge Siriianyń birneshe ken oryndarynda óndirilgen munai, sondai-aq Baniias pen Homstaǵy zaýyttardaǵy shikizatty óńdeýden artyp qalǵan ónimder tielgen. Seriktestik basshysy naqty ken oryndaryn atamady. Siriianyń munai resýrstarynyń basym bóligi eldiń soltústik-shyǵysynda kúrdterdiń baqylaýyndaǵy aimaqtarda ornalasqan.
2011 jyly azamattyq soǵys bastalǵanǵa deiin Siriia kúnine shamamen 380 000 barrel munai eksporttaǵan. Biraq kóp jyldarǵa sozylǵan qaqtyǵystar eldiń energetikalyq infraqurylymyn qiratyp, halyqaralyq sanktsiialar munai men gaz saýdasyn qiyndatyp jiberdi.
