فوتو: report.az
سيرييا سوڭعى 14 جىلداعى العاشقى رەسمي مۇناي تاسىمالداۋىن جٷزەگە اسىردى. 600 مىڭ باررەل ەكسپورتتىق پارتيياسى جەرورتا تەڭٸزٸندەگٸ تارتۋس پورتىنان جٶنەلتٸلدٸ, دەپ حابارلايدى Report.az سيرييانىڭ SANA مەملەكەتتٸك اگەنتتٸگٸنە سٸلتەمە جاساپ.
سيرييا ەنەرگەتيكا مينيسترلٸگٸنٸڭ ٶكٸلٸ ريياد ەل-دجۋباسيدٸڭ ايتۋىنشا, ساتىپ الۋشى B Serve Energy حالىقارالىق ساۋدا كومپانيياسى بولعان. مۇنايدىڭ بٸرٸنشٸ پارتيياسىن تاسىمالداۋ Nissos Christiana تانكەرٸندە جٷزەگە اسىرىلادى. سيرييالىق شەنەۋنٸك اتاپ ٶتكەندەي, جەتكٸزٸلٸم كٶلٸك جەلٸلەرٸنٸڭ, مۇناي ساقتاۋ قويمالارىنىڭ جەنە پورت ينفراقۇرىلىمىنىڭ جۇمىس ٸستەۋ دەرەجەسٸن انىقتاۋعا مٷمكٸندٸك بەرەدٸ.
سيرييا مۇناي تاسىمالداۋ كومپانيياسىنىڭ باس ديرەكتورى ماان پاشا قازٸرگٸ ەكسپورت كٶلەمٸ ەلدٸڭ ٸشكٸ قاجەتتٸلٸكتەرٸنەن اسىپ تٷسەتٸنٸن اتاپ ٶتتٸ. ونىڭ ايتۋىنشا, تانكەرگە سيرييانىڭ بٸرنەشە كەن ورىندارىندا ٶندٸرٸلگەن مۇناي, سونداي-اق بانيياس پەن حومستاعى زاۋىتتارداعى شيكٸزاتتى ٶڭدەۋدەن ارتىپ قالعان ٶنٸمدەر تيەلگەن. سەرٸكتەستٸك باسشىسى ناقتى كەن ورىندارىن اتامادى. سيرييانىڭ مۇناي رەسۋرستارىنىڭ باسىم بٶلٸگٸ ەلدٸڭ سولتٷستٸك-شىعىسىندا كٷردتەردٸڭ باقىلاۋىنداعى ايماقتاردا ورنالاسقان.
2011 جىلى ازاماتتىق سوعىس باستالعانعا دەيٸن سيرييا كٷنٸنە شامامەن 380 000 باررەل مۇناي ەكسپورتتاعان. بٸراق كٶپ جىلدارعا سوزىلعان قاقتىعىستار ەلدٸڭ ەنەرگەتيكالىق ينفراقۇرىلىمىن قيراتىپ, حالىقارالىق سانكتسييالار مۇناي مەن گاز ساۋداسىن قيىنداتىپ جٸبەردٸ.
