Qazaqstannyń Densaýlyq saqtaý ministrligi óte sirek kezdesetin (orfandyq) dertke shaldyqqan balalarǵa «Qazaqstan halqyna» qorynyń qarajaty esebinen kómek kórsetýdi usyndy, dep habarlaidy QazAqparat.
QR Prezidenti janyndaǵy Qazaqstandyq strategiialyq zertteý institýty sotsiologiialyq zertteý bóliminiń bas sarapshysy Darina Danenovanyń málimetinshe, osyndai aýrýǵa shaldyqqan bir balany emdeý kýrsy birneshe júzdegen myń AQSh dollaryn qurap otyr.
Bul - qarapaiym qazaqstandyq otbasynyń qaltasy kótermeitin qarajat.
«Álemdegi bir de bir el joǵary shyǵyndardy esepke ala otyryp, barlyq orfandyq aýrýlardy tolyq qarjylandyrmaidy», - dep baiandady ol agenttik tilshisine.
Sarapshynyń pikirinshe, balalarǵa qurý ideiasyn Qazaqstan Prezidenti usynǵan «Qazaqstan halqyna» qoǵamdyq áleýmettik qoryn arqyly kómek berýge bolady.
«Memleket basshysynyń qor qurý týraly osy tapsyrmasyna bailanysty Densaýlyq saqtaý ministrligi orfandyq aýrýlarǵa shaldyqqan balalardy emdeýge «Qazaqstan halqyna» qoǵamdyq áleýmettik qory esebinen dári-dármek tizbesi jáne jetim balalardy emdeýge arnalǵan shyǵyndar esebi boiynsha usynystar engizetin bolady», - dep qosyp ótti D.Danenova.
