Túrkistan oblysy ákiminiń janyndaǵy áielder isteri jáne otbasylyq-demografiialyq saiasat jónindegi komissiia otyrysy ótti, dep habarlaidy «Ult aqparat» oblys ákimdiginiń baspasóz qyzmetine silteme jasap.
Májilisti komissiia tóraǵasynyń orynbasary Dinara Egamberdieva júrgizip otyrdy. Komissiia otyrysyna oblys ákimi janyndaǵy áielder isteri jáne otbasylyq-demografiialyq saiasat jónindegi komissiia músheleri, basqarma ókilderi jáne aýdan, qala komissiia tóraǵalary men músheleri qatysty.
Jiynda dárihanalyq nashaqorlyq jáne sintetikalyq esirtkiniń mektep pen stýdent jastar arasynda taralýy qaýpi, áke institýtyn nyǵaitý jáne otbasylyq tárbiede ákeniń rólin arttyrý jónindegi sharalar týraly talqylandy. Sintetikalyq esirtkini tutynýdyń artýy ult densaýlyǵyna úlken qaýip tóndiretini jaily aityldy.
Nashaqorlyq problemasy álemdik qoǵamdastyqta ózekti bolyp qalýda jáne onyń saldary retinde jastar men jasóspirimder arasynda esirtkini paidalanýmen bailanysty ahýal barlyq elder úkimetteriniń alańdaýshylyǵyn arttyryp otyr. Elimizde jyl basynan beri esirtkige qatysy 600-ge jýyq ákimshilik quqyq buzýshylyq áreket anyqtalǵan.
Jiynda sondai-aq, búgingi tańda otbasy tárbiesindegi ákeniń rólin arttyrý joldary talqylandy. Áke institýtyn nyǵaitý arqyly balalardyń boiynda patriottyq sezimdi, rýhani-adamgershilik qundylyqtardy qalyptastyrý jumysyn kúsheitýge bolady. Otbasynyń qalyptasýynda, balalardy tárbieleý men damytýda, erlerdiń minez-qulqyn qalyptastyrýda ákeler úlken ról atqarady.
Jinalys sońynda jaýapty basqarmalar men aýdan ákimdikterine birqatar usynys berilip, oryndalýy baqylaýǵa alyndy.
