Sinoptikter tótenshe jaǵdaiǵa qaramastan qalypty rejimde jumys isteidi, dep habarlaidy "Ult aqparat" Qazgidromettiń baspasóz qyzmetine silteme jasap.
Dúniejúzilik meteorologiialyq qyzmet (DMU) direktory COVID-19 pandemiiasyn aldyn alý sharalary búkil álem boiynsha aýa raiy boljamynyń dáldigine teris áserin tigizedi dep málimdegen. Alaida QR Ekologiia, geologiia jáne tabiǵi resýrstar ministrliginiń «Qazgidromet» RMK baqylaýdy úzdiksiz júrgizip jatqanyn habarlaidy.
2020 jylǵy 16 naýryzdan bastap Qazaqstan Respýblikasynda tótenshe jaǵdai engizildi, osyǵan bailanysty barlyq áleýmettik-ekonomikalyq salalardyń jumysy toqtatyldy, alaida «Qazgidromet» RMK baqylaý jelisinde jumys, 328 meteostansa, 352 gidrologiialyq beket, 140 ekologiialyq bekette eldegi tótenshe jaǵdaiǵa qaramastan baqylaý júrgizedi.
«Búgingi tańda Qazaqstan aýmaǵynda kóktemgi sý tasqyny jáne qardyń qarqyndy erýi, ózenderdegi sý deńgeiiniń kóterilýi jáne eldi mekenderdi sý basý qaýpiniń joǵary bolýy boiynsha belsendi jumystar júrgizilýde, Qazgidromet qyzmetkerleri táýlik boiy burynǵy rejimde eńbek etedi, engizilgen tótenshe jaǵdai qysqa merzimdi, uzaq merzimdi aýa raiy boljamdary men gidrologiialyq boljamdar sapasyna áser etpeidi.
Baqylaý jelisinen alynǵan naqty derekter men aýa raiy boljamdary bekitilgen algoritm boiynsha memlekettik organdarǵa, komitetterge jáne elimizdiń basqa da tynys-tirshiligin qamtamasyz etetin qurylymdarǵa jiberiledi, sondai-aq aqparat Qazgidromet resmi saitynda jáne áleýmettik jeli paraqshalarynda qol jetimdi», delingen habarlamada.
