Qazgidromet tamyz aiyna arnalǵan aýa raiy boljamyn usyndy, dep habarlaidy "Ult aqparat".
Tamyz jaz maýsymyn aiaqtaidy. Kúnniń uzaqtyǵy tamyz aiynda soltústik oblystarda 2 saǵatqa, ońtústik oblystarda 1 saǵat 20 minýtqa qysqarady. Elimizdiń basym bóliginde ortasha ailyq aýa temperatýrasy tamyz aiynda shilde aiynan +2+2,5°S, al ońtústik oblystarda 1°S tómen. Qazaqstannyń soltústiginde ortasha ailyq aýa temperatýrasy +16+20°S quraidy jáne ońtústikke qarai +27+29°S deiin joǵarylaidy. Taý bókterindegi aýdandarda biiktegen saiyn aýa temperatýrasy tómendeidi +24°S dan (teńiz deńgeiinen 450 m biiktikte) 7,5°S deiin ( 3 km biiktikte).
Aýa raiynyń konsýltativtik boljamyna sáikes jazdyń sońǵy aiynda aýa temperatýrasy klimattyq norma shamasynda kútiledi.
Jaýyn-shashynnyń edáýir kóp bolýy jáne qatty qurǵaqshylyq, ádette, tamyz aiynda sirek kezdesedi. 2020 jylǵy tamyz aiy da basqa jyldardan erekshelenbeidi: jaýyn-shashyn mólsheri respýblikanyń basym bóliginde norma shamasynda, Shyǵys Qazaqstan oblysynyń soltústik-batys bóliginde, sonymen qatar Almaty oblysynyń taý jáne taý bókterli aýdandarynda – normadan kóp, Mańǵystaý, Qyzylorda oblystarynda jáne Aqtóbe oblysynyń ońtústiginde – normadan az bolady.
Tamyzdyń birinshi onkúndiginde turaqsyz aýa raiy tsiklondarmen, atmosferalyq fronttarmen bailanysty bolady, olardyń ótýi qysqa merzimdi jaýyn-shashynǵa, batys, soltústik, shyǵys jáne ońtústik-shyǵys aimaqtarda kúshti jaýyn-shashyn, sondai-aq jeldiń kúsheiýine ákeledi. Naizaǵai qubylystary men burshaqtyń túsýi shilde aiyna qaraǵanda az bolady dep kútilýde.
Qazaqstan Respýblikasynyń basym bóliginde aýa temperatýrasynyń joǵary fony boljanady: túnde +15+25°S shamasynda, kúndiz +27+37°S, ońtústikte +40°S deiin joǵarylaidy. Tek batysta, shyǵysta jáne ońtústik-shyǵys aýmaqtardyń taýly aýdandarynda, Skandinaviia men Taimyr aýdandarynan sýyq aýa massalarynyń enýine bailanysty birinshi onkúndiktiń ortasynda aýa temperatýrasy túnde +10+15°S-qa deiin, kúndiz +20+27°S-qa deiin tómendeidi.
Ekinshi jáne úshinshi onkúndikterde jańbyrly jáne salqyn kúnder ystyq jáne az bultty kúndermen aýysady.
Elimizdiń soltústik jartysynda aýa temperatýrasynyń aýytqýy túnde +12+20°S-tan +7+15°S-qa deiin, kúndiz +23+30°S-tan +15+23°S-qa deiin, al ońtústik jartysynda jáne batysynda túnde +15+23°S-tan +10+18°S-qa deiin kúndiz +30+39°S-tan +23+30°S-qa deiin kútiledi.
