Sinoptikter kún qashan jylynatynyn aitty, - dep habarlaidy "Ult aqparat" tilshisi "Qazgidromet" RMK ókilderine silteme jasap.
Sinoptikterdiń málimetinshe, 29 qańtardan 30 qańtarǵa deiin aiaz Soltústik Qazaqstan, Aqmola, Pavlodar, Shyǵys Qazaqstan jáne Qaraǵandy oblystarynda bosańsyp, aptanyń aiaǵynda aýa temperatýrasy -35-41 gradýstan -15-23 gradýsqa deiin, túnde -25-33 gradýstan -7-15 gradýsqa deiin kóteriledi.
Ońtústik aimaqtarda túngi temperatýra -21-35 gradýstan -5-13 gradýsqa, kúndiz -15 -2-den -2 + 3 gradýsqa deiin kóteriledi.
Esterińizge sala keteiik, 19 qańtarda sinoptikter ortalyq, soltústik jáne shyǵys oblystarda qatty aiaz bolatyny týraly daýyldy eskertý jasaǵan bolatyn.
"Odan keiin qatty aiaz elimizdiń ońtústik aýmaqtary Almaty, Jambyl, Qyzylorda jáne Ońtústik Qazaqstan oblystaryna da jetip, 29 qańtarǵa deiin osy aýa raiyna bailanysty daýyldy eskertý jariialandy", - dep habarlady "Qazgidromet" ókilderi.
