Foto: depositphotos.com
Sinoptikter 14-16 jeltoqsanda Qazaqstanda aýa raiy qandai bolatyny týraly boljam jasady, - dep habarlaidy "Ult aqparat".
Boljamǵa sáikes, aldaǵy úsh táýlikte Qazaqstannyń kóptegen oblysynda jaýyn-shashynsyz ashyq aýa raiy saqtalady, biraq aiaz birtindep tómendei bastaidy. Qazaqstannyń shyǵysynda arktikalyq antitsiklonnyń ortalyǵy ornalasady, sondyqtan munda tómen, aiazdy temperatýra saqtalady.
"15-16 jeltoqsanda elimizdiń batysynda, ońtústiginde jáne ońtústik-shyǵysynda atmosferalyq frontaldy bólimderdiń ótýimen qar jaýady. Respýblikanyń batysynda, ońtústiginde jáne ońtústik-shyǵysynda jeldiń kúsheiýi, jaiaý burqasyn, taýly aýdandarda tuman, respýblikanyń batysynda shańdy daýyl kútiledi.
Túnde aýa temperatýrasy batysta 5-15 gradýs aiazǵa deiin, soltústik-batysta jáne ortalyqta 10-25 gradýs aiazǵa deiin, soltústikte 17-28 gradýs aiazǵa deiin, ońtústikte 5-18 gradýs aiazǵa deiin, ońtústik-shyǵysta 10-25 gradýs aiazǵa deiin birtindep joǵarylaidy. Al Qazaqstannyń shyǵysynda 30-40 gradýs aiaz saqtalady" - delingen habarlamada.
