«Qazgidromet» RMK 8-10 aqpanǵa arnalǵan aýa raiy boljamyn jariialady, dep habarlaidy "Ult aqparat" "Qazgidromet" RMK ókilderine silteme jasap.
Sinoptikterdiń aitýynsha, respýblikadaǵy aýa raiyn ózgertip otyrǵan keń aýqymdy antitsiklon birte-birte Batys Sibirge qarai jyljyp, qatty aiazdy da yǵystyrady. Onyń ornyna Qazaqstannyń soltústik-batys aýdandarynda biiktik tsiklony keledi. Sondyqtan aldaǵy eki kúnde kóptegen oblystarda aýa raiy jaýyn-shashynsyz bolady.
10 aqpanda aýa raiy ózgeredi. Soltústik-batys, soltústik jáne ortalyq oblystarda biiktik tsiklonynyń yqpalynan keibir jerlerde qar jaýyp, boran soǵady, jeldiń jyldamdyǵy sekýndyna 15-20 metrge jetedi.
