Sinoptikter aldaǵy demalys kúnderi 17-19 qarashaǵa arnalǵan boljamyn jariia etti, dep habarlaidy "Ult aqparat" Qazgidrometke silteme jasap.
Sinoptikterdiń boljaýynsha, aýqymdy jáne kúshti antitsiklon Qazaqstan aimaǵynyń basym bóligindegi sýyq aýa raiyn ustap turady.
Eske sala ketetini, eń tómengi túngi aýa temperatýrasy minýs 10...18°S gradýs, respýblikanyń ońtústik jartysynda kei jerlerde minýs 20...28°S gradýs belgilendi, ol klimattyq normadan 8...15°S gradýs tómen.
Alaida Batys Sibirdiń jáne Reseidiń eýropalyq bóliginiń soltústik jartysy arqyly jyljyityn atlantikalyq tsiklondardyń áserinen, Qazaqstanǵa Atlantikadan jyly jáne dymqyl aýa massasy kelip jetedi. Sonyń saldarynan demalys kúnderi temperatýra joǵarylaidy dep boljanady.
«Sondai-aq, kei jerlerde qar jaýyp, burqasyn soǵady, jeldiń jyldamdyǵy sekýndyna 15...20 metr shamasynda bolady. Elimizdiń ońtústiginde ázirshe qar jaýmaidy, biraq temperatýranyń joǵarylaýy kútiledi, al ońtústik-shyǵysta jeksenbide jáne dúisenbide ásirese taýly aimaqtarda qar jaýýy yqtimal», - delingen habarlamada.
