27 qańtardaǵy meteorologiialyq jaǵdaiǵa sáikes, Qazaqstannyń 12 qalasynda atmosferanyń lastanýy baiqalady, dep habarlaidy "Ult aqparat" «Qazgidromet» RMK-ǵa silteme jasap.
Vedomstvonyń aqparatyna súiensek, 31 qańtarda qolaisyz meteorologiialyq jaǵdailar Astana, Aqtóbe, Almaty, Qaraǵandy, Kókshetaý, Pavlodar, Petropavl, Taldyqorǵan, Qyzylorda, Taraz, Óskemen jáne Shymkent qalalarynda baiqalady.
Atyraý atmosferasynda azdaǵan lastaýshy zattar jinalýy múmkin. Sondai-aq Aqtaý, Qostanai, Oral qalalarynda atmosferaǵa lastaýshy zattar taralady, deidi Qazgidromettegiler.
Aýanyń lastanýyna boljam jasaýda atmosferadaǵy ziiandy (lastaýshy) zattardyń jinalýyna yqpal etetin meteorologiialyq faktorlar (tynysh, baiaý jel, tuman, inversiia) eskeriledi. Bul jaǵdaida eldi mekenderdegi atmosferalyq aýanyń sapasy nasharlap ketedi.
