foto: Tengrinews.kz
Sinoptikterdiń málimeti boiynsha, 26 naýryz ben 1 sáýir aralyǵynda jańbyr, qar men burqasyn bolady, - dep habarlaidy Tengrinews.kz tilshisi.
26 jáne 29 naýryzda Túrkistan oblysynyń ońtústiginde jáne taýly, taý bókteri aýdandarynda, 26-27, 29 naýryzda Jambyl oblysynyń soltústik-shyǵysynda, ońtústiginde, taýly jáne taý bókteri aýdandarynda, 27 jáne 29 naýryzda Almaty oblysynyń ońtústiginde jáne taýly aýdandarynda jańbyr men qar túrinde qatty jaýyn-shashyn bolady dep boljandy, osyǵan bailanysty bul óńirlerdiń taý bókterindegi aýdandarynda kólbeý aǵyn qalyptasady dep kútilýde.
Shyǵys Qazaqstan oblysynda 28 jáne 30 naýryzda - qatty qar, 29 naýryzda - qatty jaýyn - shashyn (jańbyr, qar), 29 naýryzda - Aqmola oblysynda qatty jaýyn-shashyn, negizinen qar túrinde bolady.
Batys Qazaqstan oblysynda 27-28 naýryzda oblystyń ońtústiginde, 30 naýryzda oblystyń batys jartysynda túnde aýa temperatýrasy 3 gradýs jyly, kúndizgi temperatýranyń negizgi aiasy 2-7 gradýs jyly bolady dep kútiledi.
30 naýryzdan bastap Aqtóbe, Qostanai, Aqmola, Soltústik Qazaqstan oblystary, 31 naýryzdan bastap Pavlodar oblysy boiynsha kúndizgi temperatýra 2-5 gradýsqa deiin jetedi.
Qaraǵandy oblysy boiynsha 28-29 naýryz, 1 sáýir kúnderi oblystyń ońtústiginde túnde aýa temperatýrasy 3 gradýs jyly, kúndiz - 3 gradýs aiaz - 2 gradýs jyly, oblystyń ońtústiginde - 7 gradýs jyly, kezeńniń ortasynda 0-5 gradýs aiazǵa deiin, ońtústik-shyǵysta - 3 gradýs jyly bolady dep boljandy.
