Qytailyq Hýnan telearnasynyń «Singer 2017» án baiqaýynyń aqtyq básekesinde mikrofon úzilip, Dimashtyń daýsy báseńdep qaldy, dep jazady Qytaidyń www.hsbaodi.com saity.
Internet qoldanýshylarynyń aitýynsha, ándi aityp kele jatyp, sońyna qarai Dimashtyń daýysy múldem báseńdep ketken. Juptyq óner kórsetý barysynda tek Dimashtyń juby Shań Venjeniń daýysy ǵana estilgenin aitady olar.
«Sonymen qatar, taǵy bir qytai ánshisi Djań Bichyn de án aityp kele jatyp, ortasyna kelgende mikrofonnan aqaý shyǵyp, daýysy múldem estilmei qaldy. Osylaisha, ánshi mikrofondy jaqyndatyp aitýǵa tyrysty. Internet qoldanýshylarynyń boljamy boiynsha, Djań Bichyn sahnaǵa shyǵyp án aityp jatqan kezde, mikrofonnan aqaý shyqqanyn sezip, mikrofonǵa jaqyndaý arqyly óziniń daýysyn kótermek bolǵan. Ekeýi de aitarlyqtai tanymal ári myqty ánshiler, sahnada mikrofonnan aqaý týyndaǵanyna qaramastan, olar jaqsy óner kórsete aldy. Sońynda Dimash ekinshi orynǵa ie bolyp, Djań Bichyn altynshy oryn aldy. Bul aitarlyqtai jaqsy nátije», - dep jazady Qytai saity.
