قىتايلىق حۋنان تەلەارناسىنىڭ «Singer 2017» ەن بايقاۋىنىڭ اقتىق بەسەكەسٸندە ميكروفون ٷزٸلٸپ, ديماشتىڭ داۋسى بەسەڭدەپ قالدى, دەپ جازادى قىتايدىڭ www.hsbaodi.com سايتى.
ينتەرنەت قولدانۋشىلارىنىڭ ايتۋىنشا, ەندٸ ايتىپ كەلە جاتىپ, سوڭىنا قاراي ديماشتىڭ داۋىسى مٷلدەم بەسەڭدەپ كەتكەن. جۇپتىق ٶنەر كٶرسەتۋ بارىسىندا تەك ديماشتىڭ جۇبى شاڭ ۆەنجەنٸڭ داۋىسى عانا ەستٸلگەنٸن ايتادى ولار.
«سونىمەن قاتار, تاعى بٸر قىتاي ەنشٸسٸ دجاڭ بيچىن دە ەن ايتىپ كەلە جاتىپ, ورتاسىنا كەلگەندە ميكروفوننان اقاۋ شىعىپ, داۋىسى مٷلدەم ەستٸلمەي قالدى. وسىلايشا, ەنشٸ ميكروفوندى جاقىنداتىپ ايتۋعا تىرىستى. ينتەرنەت قولدانۋشىلارىنىڭ بولجامى بويىنشا, دجاڭ بيچىن ساحناعا شىعىپ ەن ايتىپ جاتقان كەزدە, ميكروفوننان اقاۋ شىققانىن سەزٸپ, ميكروفونعا جاقىنداۋ ارقىلى ٶزٸنٸڭ داۋىسىن كٶتەرمەك بولعان. ەكەۋٸ دە ايتارلىقتاي تانىمال ەرٸ مىقتى ەنشٸلەر, ساحنادا ميكروفوننان اقاۋ تۋىنداعانىنا قاراماستان, ولار جاقسى ٶنەر كٶرسەتە الدى. سوڭىندا ديماش ەكٸنشٸ ورىنعا يە بولىپ, دجاڭ بيچىن التىنشى ورىن الدى. بۇل ايتارلىقتاي جاقسى نەتيجە», - دەپ جازادى قىتاي سايتى.
