Álemge tanymal model Sindi Kroýford pen kásipker Rendi Gerberdiń uly, model Presli Gerber 27 jasynda qaitys boldy, dep habarlaidy ult.kz.
Presli Gerberdiń qaitys bolǵanyn otbasynyń ókili rastaǵan. Los-Andjeles okrýginiń meditsinalyq sarapshysy onyń 20 qyrkúiekte ońaltý ortalyǵynda kóz jumǵanyn habarlady. Ázirge óliminiń naqty sebebi jariialanǵan joq.
Otbasy ókili jaqyndarynyń jeke ómirine qurmetpen qaraýdy suraǵan.
Presli Gerber anasy men qaryndasy Kaiia Gerber siiaqty modeldik mansappen ainalysqan. Ol 15 jasynda IMG Models agenttigimen kelisimshartqa otyryp, 2016 jyly Moschino sán kórsetiliminde podiýmǵa shyqqan. Keiin Calvin Klein, Dolce & Gabbana, Celine jáne Pepsi siiaqty tanymal brendtermen jumys istegen.
Presli buǵan deiin psihikalyq densaýlyq máseleleri men táýeldilikpen kúresi týraly ashyq aitqan. Ol áleýmettik jelidegi jazbalarynda óziniń basynan ótkergen qiyndyqtarymen bólisip, psihikalyq saýlyq týraly ashyq sóilesýge shaqyrǵan.
Sońǵy ýaqytta Presli ońaltý ortalyǵynda bolǵan. Alaida qazirgi tańda onyń ólimine naqty ne sebep bolǵany belgisiz.
Sindi Kroýford pen Rendi Gerberdiń otbasy bul aýyr kezeńde jeke qalýǵa mursat berýdi surady.
