ەلەمگە تانىمال مودەل سيندي كروۋفورد پەن كەسٸپكەر رەندي گەربەردٸڭ ۇلى, مودەل پرەسلي گەربەر 27 جاسىندا قايتىس بولدى, دەپ حابارلايدى ult.kz.
پرەسلي گەربەردٸڭ قايتىس بولعانىن وتباسىنىڭ ٶكٸلٸ راستاعان. لوس-اندجەلەس وكرۋگٸنٸڭ مەديتسينالىق ساراپشىسى ونىڭ 20 قىركٷيەكتە وڭالتۋ ورتالىعىندا كٶز جۇمعانىن حابارلادى. ەزٸرگە ٶلٸمٸنٸڭ ناقتى سەبەبٸ جارييالانعان جوق.
وتباسى ٶكٸلٸ جاقىندارىنىڭ جەكە ٶمٸرٸنە قۇرمەتپەن قاراۋدى سۇراعان.
پرەسلي گەربەر اناسى مەن قارىنداسى كاييا گەربەر سيياقتى مودەلدٸك مانساپپەن اينالىسقان. ول 15 جاسىندا IMG Models اگەنتتٸگٸمەن كەلٸسٸمشارتقا وتىرىپ, 2016 جىلى Moschino سەن كٶرسەتٸلٸمٸندە پوديۋمعا شىققان. كەيٸن Calvin Klein, Dolce & Gabbana, Celine جەنە Pepsi سيياقتى تانىمال برەندتەرمەن جۇمىس ٸستەگەن.
پرەسلي بۇعان دەيٸن پسيحيكالىق دەنساۋلىق مەسەلەلەرٸ مەن تەۋەلدٸلٸكپەن كٷرەسٸ تۋرالى اشىق ايتقان. ول ەلەۋمەتتٸك جەلٸدەگٸ جازبالارىندا ٶزٸنٸڭ باسىنان ٶتكەرگەن قيىندىقتارىمەن بٶلٸسٸپ, پسيحيكالىق ساۋلىق تۋرالى اشىق سٶيلەسۋگە شاقىرعان.
سوڭعى ۋاقىتتا پرەسلي وڭالتۋ ورتالىعىندا بولعان. الايدا قازٸرگٸ تاڭدا ونىڭ ٶلٸمٸنە ناقتى نە سەبەپ بولعانى بەلگٸسٸز.
سيندي كروۋفورد پەن رەندي گەربەردٸڭ وتباسى بۇل اۋىر كەزەڭدە جەكە قالۋعا مۇرسات بەرۋدٸ سۇرادى.
