Jaqyn bailanysta bolǵan jáne siptomsyz naýqastar úshin karantin merzimi qysqartyldy. Bul týraly búgin Úkimet otyrysynda QR Densaýlyq saqtaý ministri Ajar Ǵiniiat málim etti, dep habarlaidy QazAqparat.
«Omikron» nusqasynan týyndaǵan koronavirýs infektsiiasynyń taralý jyldamdyǵy men aǵymynyń erekshelikterin eskere otyryp, karantin jáne Ashyqtaǵy mártebeniń ózgerý merzimderi qaita qaraldy. Sonymen qatar jaqyn bailanysta bolǵan jáne siptomsyz naýqastar úshin karantin merzimi 14-ten 10 kúnge deiin qysqartyldy. Bul rette 7 táýlikten keiin PTR-zertteýdiń teris nátijesi bolǵan kezde karantin aiaqtalady», - dedi ministr.
Onyń aitýynsha, eger qandai da bir sebeptermen 7 táýlikke arnalǵan PTR-test tapsyrylmasa, onda karantin testti qosymsha tapsyrýsyz 10-shy kúni aiaqtalady.
«Bul ólshem sharttar Bas memlekettik sanitariialyq dárigerdiń shekteý sharalary jónindegi jáne jumys erejeleri men Ashyqtaǵy mártebeniń ózgerýin aiqyndaityn qaýlylarynda kórinis tapty», - dedi Ajar Ǵiniiat.
