Qazaqstan Syrtqy ister ministrligi (SIM) "Siriiada qazaqstandyq áieldi óltirgeni" týraly aqparattyń tekserilip jatqanyn habarlady.
SIM baspasóz hatshysy Aibek Smadiiarov brifingte bul aqparattyń derekkózi áli rastalmaǵanyn, sondyqtan ony anyqtaýdyń biraz ýaqyt alatynyn aitty. "Siriia aýmaǵynda zańdy jáne zańsyz júrgen bizdiń azamattarymyzǵa qatysty barlyq máseleni Iordaniiadaǵy elshilikke tapsyramyz" dedi.
Ótken aptada "Aqtóbe taims" basylymy Siriiada Soltústik Kavkazdaǵy Siriiadaǵy áielder men balalardy eline qaitarýmen ainalysatyn uiymǵa silteme jasap, "qazaqstandyq úsh áieldiń ózge bir qazaqstandyq áiel men balany elge qaitý úshin aqshasyn tartyp almaq bolyp óltirgenin" habarlaǵan. Basylym dereginshe, ol úsh áieldi keiin "Islam memleketi" ekstremistik uiymynyń (Qazaqstan aýmaǵynda tiym salynǵan) sodyrlary ustap alyp, óltirgen".
