قازاقستان سىرتقى ٸستەر مينيسترلٸگٸ (سٸم) "سيرييادا قازاقستاندىق ەيەلدٸ ٶلتٸرگەنٸ" تۋرالى اقپاراتتىڭ تەكسەرٸلٸپ جاتقانىن حابارلادى.
سٸم باسپاسٶز حاتشىسى ايبەك سماديياروۆ بريفينگتە بۇل اقپاراتتىڭ دەرەككٶزٸ ەلٸ راستالماعانىن, سوندىقتان ونى انىقتاۋدىڭ بٸراز ۋاقىت الاتىنىن ايتتى. "سيرييا اۋماعىندا زاڭدى جەنە زاڭسىز جٷرگەن بٸزدٸڭ ازاماتتارىمىزعا قاتىستى بارلىق مەسەلەنٸ يوردانيياداعى ەلشٸلٸككە تاپسىرامىز" دەدٸ.
ٶتكەن اپتادا "اقتٶبە تايمس" باسىلىمى سيرييادا سولتٷستٸك كاۆكازداعى سيريياداعى ەيەلدەر مەن بالالاردى ەلٸنە قايتارۋمەن اينالىساتىن ۇيىمعا سٸلتەمە جاساپ, "قازاقستاندىق ٷش ەيەلدٸڭ ٶزگە بٸر قازاقستاندىق ەيەل مەن بالانى ەلگە قايتۋ ٷشٸن اقشاسىن تارتىپ الماق بولىپ ٶلتٸرگەنٸن" حابارلاعان. باسىلىم دەرەگٸنشە, ول ٷش ەيەلدٸ كەيٸن "يسلام مەملەكەتٸ" ەكسترەميستٸك ۇيىمىنىڭ (قازاقستان اۋماعىندا تيىم سالىنعان) سودىرلارى ۇستاپ الىپ, ٶلتٸرگەن".
