Foto: ©RIA Novosti
Syrtqy ister ministrligi Reseidegi qazaqstandyqtar áskeri komissariattan shaqyrý qaǵazyn alyp jatyr degen aqparatqa senbeýge shaqyrdy, - dep habarlaidy Tengrinews.kz agenttigi.
"Ótken aptada Qazaqstan azamattary áskerge shaqyrý qaǵazyn alyp jatqany týraly aqparat boldy. Shyn máninde, osy kezeńde Máskeý qalasynda bizdiń azamattan bir ǵana ótinish boldy.
Sondyqtan BAQ betterine shyǵyp jatqan túrli jalǵan aqparattar men habarlamalarǵa senbeýdi suraimyz. Mundai derekter bolsa da, bul azamat azamattyq alýǵa ótinish bergen bolsa kerek jáne bazalardan ótken, iaǵni qos azamattyǵy bar, biraq Resei azamattyǵy bar ekenin moiyndamaidy, sondyqtan qujattaryn da tapsyrmaidy. Munda jaǵdai basqa jaqqa ózgeredi jáne olar jaǵdaidan qashyp, Qazaqstan azamaty ekenin málimdeidi", - dedi SIM resmi ókili Aibek Smadiiarov Astanada ótken brifingte.
Eske salaiyq, buǵan deiin qazaqstandyq Reseide áskeri komissariattan shaqyrý qaǵazyn alǵany habarlanǵan bolatyn.
