Syrtqy ister ministrliginiń resmi ókili Aibek Smadiiarov Ujymdyq qaýipsizdik sharty uiymy (UQShU) kúshteriniń Resei-Ýkraina qaqtyǵys aimaǵyna qatysýy máselesi kún tártibinde turmaǵanyn aitty, - dep habarlaidy Tengrinews.kz.
"Qazaqstan halyqaralyq quqyq pen BUU Jarǵysyna sáikes memleketterdiń aýmaqtyq tutastyǵy jáne egemendik teńdigi qaǵidattaryn ustanady. Tutastai alǵanda UQShU-nyń jaýapkershilik aimaǵy uiymǵa múshe memleketterdiń halyqaralyq tanylǵan aýmaqtarymen naqty belgilengen jáne Ujymdyq qaýipsizdik osy aýmaqtar sheginde qamtamasyz etiledi. Osylaisha, Resei-Ýkraina qaqtyǵys aimaǵyna UQShU-nyń qatysýy máselesi kún tártibinde turǵan joq", - dedi ol.
Sondai-aq, Smadiiarov LHR, DHR kvazimemlekettik aýmaqtarynyń, Ýkrainanyń Zaporoje jáne Herson oblystaryn Reseige qosý týraly ótken referendýmdar boiynsha Qazaqstannyń ustanymyn aitty.
"Bizdiń ustanymymyz ózgergen joq. Bul máselede Qazaqstan halyqaralyq quqyq pen BUU Jarǵysyna sáikes memleketterdiń aýmaqtyq tutastyǵy, olardyń egemendik teńdigi jáne beibit ómir súrý qaǵidattaryn ustanady. Biz Resei men Ýkraina arasynda saiasi dialog ornatýǵa barynsha daiyn ekenimizdi taǵy da rastaimyz. Bul rette bizdiń elimiz jahandyq deńgeide turaqtylyqty saqtaýdy asa mańyzdy mindet dep sanaidy. Sondyqtan bizdiń ustanymymyz ózgergen joq", - dedi SIM ókili.
