Frantsiialyq jýrnalist jáne rejisser Vensan Prado alǵan ýaqytsha akkreditatsiia Qazaqstannyń barlyq aimaǵynda túsirilim jasaýǵa múmkindik beredi. Bul týraly Qazaqstannyń Syrtqy ister ministrligine Azattyq tilshisine bergen málimdemesinde aitqan.
Ministrliktiń baspasóz hatshysy Aibek Smadiiarov Azattyqqa jibergen jazbasha jaýabynda Pradonyń akkreditatsiiasy 27 qyrkúiekte aiaqtalǵanyn, keiin qaita ótinish jazǵan soń 10 qazanǵa deiin uzartylǵanyn jazǵan.
"Ligne de Front stýdiiasynyń rejisseri Vinsen Prado Astana jáne Almaty qalasynda mádeni, áleýmettik-ekonomikalyq taqyrypta derekti film túsirýdi josparlady. Onyń ishinde Astananyń arhitektýrasy, týrizm, kásipkerlik, óner jáne úilený toi salty taqyryptary bar. Al ekinshi ret Shý aimaǵyndaǵy esirtki biznesi týraly túsirýge ruqsat surady" dep jazǵan ministrlik ókili resmi jaýabynda.
Buǵan deiin Smadiiarov: "Prado akkreditatsiia suraǵanda Mańǵystaý oblysynda túsirilim jasaitynyn aitpady" degen. Biraq Azattyqqa bergen jazbasha jaýabyna qaraǵanda, Vensan Pradonyń Qazaqstan aimaqtarynda túsirilim jasaýǵa ruqsaty bolǵan.
27 qyrkúiekte Aqtaý ákimshilik soty Frantsiia azamaty, Ligne de Front stýdiiasynyń rejisseri, jýrnalist Vensan Pradoǵa "Qazaqstannyń kóshi-qon týraly zańyn buzǵany" úshin 60 myń teńge (shamamen 165 AQSh dollary) kóleminde aiyppul salǵan . Mańǵystaýǵa 2011 jylǵy Jańaózen oqiǵasy týraly film túsirýge kelgen rejisser ózine taǵylǵan aiyppen kelispeidi.
