Syrtqy ister ministrligi Ońtústik Koreiadaǵy qazaqstandyqtarǵa áýe reisteri qysqarmai turyp elge kelýdi usyndy. Bul týraly brifingte QR SIM resmi ókili Aibek Smadiiarov aitty, dep habarlaidy "Ult aqparat".
«Keshe jariialaǵanymyzdai, áýe reisteri 1 naýryzdan bastap qysqarady. Qazaqstan azamattary shekteý qoiylǵanǵa deiin úiine jetip alǵany jón. Shekteý qoiylǵannan bastap reister qysqarady. Sol kezde kelgisi keletinderge reister qyzmet kórsete almaidy. Olarǵa úshinshi memleket arqyly, biletti basqa baǵada satyp alýǵa týra keledi», - deidi Aibek Smadiiarov.
QR SIM azamattarǵa koronavirýs jaǵdaiy týraly habarlady.
«Bizdiń elshilik azamattarǵa Ońtústik Koreiadaǵy koronavirýs týraly habardar etý boiynsha birqatar sharalar qabyldady. Jedel shtab quryldy, messendjerde táýlik boiy bailanys telefony jumys isteidi jáne kún saiyn azamattardy konsýldyq esepke tirkeý júrgizilip jatyr. Aýrý juqtyrǵandar men kóz jumǵandar sany ósýde, sol sebepti barynsha abai bolý kerek. Koreia ázirge jabylmaidy, evakýatsiia týraly aitýǵa áli erte. Jaǵdaidy baqylaýda ustaimyz», - deidi ol.
Biz buǵan deiin Ońtústik Koreiada 35 myń qazaqstandyq bar ekenin jazǵan bolatynbyz.
