QR Syrqy ister ministrliginiń resmi ókili Aibek Smadiiarov Japoniiada Diamond Princess krýiz lainerinde bolǵan qazaqstandyqtar týraly aitty, dep habarlaidy QazAqparat.
«Bizdiń azamattar sol lainerde bolǵanyn estigen sátte birinshi kúni-aq olarmen bailanys ornattyq. Eki áje men eki nemeresi ár 2-3 saǵat saiyn bizdiń konsýlmen bailanysqa shyǵyp otyrdy. Olar bortta birinshi testten ótti. Jaǵalaýǵa shyqqannan keiin ekinshi tekseristen ótti. Odan keiin Japoniianyń densaýlyq saqtaý ministrligi olarlyń densaýlyq jaǵdaiy jaqsy, aman-saý ekenin rastaityn qujat berdi», - deidi Aibek Smadiiarov.
Olar elge oralǵanǵa deiin eki kún Tokioda bolǵan.
«Odan keiin qatardaǵy jolaýshylar siiaqty bilet alyp, tirkelip, elge ushyp kelgen. Olardy osy jaqta karantinge jatqyzdy. Bul turǵyda QR Densaýlyq saqtaý ministrligin qoldaimyz. Olar aýrý oshaǵynan kelgendikten, saqtanǵan durys», - deidi ol.
Buǵan deiin Diamond Princess lainerinde bolǵan qazaqstandyqtar karantinge jatqyzylǵanyn jazǵan bolatynbyz.
