قر سىرقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ جاپونييادا Diamond Princess كرۋيز لاينەرٸندە بولعان قازاقستاندىقتار تۋرالى ايتتى, دەپ حابارلايدى قازاقپارات.
«بٸزدٸڭ ازاماتتار سول لاينەردە بولعانىن ەستٸگەن سەتتە بٸرٸنشٸ كٷنٸ-اق ولارمەن بايلانىس ورناتتىق. ەكٸ ەجە مەن ەكٸ نەمەرەسٸ ەر 2-3 ساعات سايىن بٸزدٸڭ كونسۋلمەن بايلانىسقا شىعىپ وتىردى. ولار بورتتا بٸرٸنشٸ تەستتەن ٶتتٸ. جاعالاۋعا شىققاننان كەيٸن ەكٸنشٸ تەكسەرٸستەن ٶتتٸ. ودان كەيٸن جاپونييانىڭ دەنساۋلىق ساقتاۋ مينيسترلٸگٸ ولارلىڭ دەنساۋلىق جاعدايى جاقسى, امان-ساۋ ەكەنٸن راستايتىن قۇجات بەردٸ», - دەيدٸ ايبەك سماديياروۆ.
ولار ەلگە ورالعانعا دەيٸن ەكٸ كٷن توكيودا بولعان.
«ودان كەيٸن قاتارداعى جولاۋشىلار سيياقتى بيلەت الىپ, تٸركەلٸپ, ەلگە ۇشىپ كەلگەن. ولاردى وسى جاقتا كارانتينگە جاتقىزدى. بۇل تۇرعىدا قر دەنساۋلىق ساقتاۋ مينيسترلٸگٸن قولدايمىز. ولار اۋرۋ وشاعىنان كەلگەندٸكتەن, ساقتانعان دۇرىس», - دەيدٸ ول.
بۇعان دەيٸن Diamond Princess لاينەرٸندە بولعان قازاقستاندىقتار كارانتينگە جاتقىزىلعانىن جازعان بولاتىنبىز.
