Foto: Polisia.kz
Syrtqy ister ministrliginiń resmi ókili Aibek Smadiiarov Ońtústik-Shyǵys Aziiada qiyn jaǵdaiǵa tap bolǵan qazaqstandyqtar jaily pikir bildirip, bul quldyq emes, alaiaqtyq ekenin atap ótti, dep jazady zhasalash.kz.
Onyń aitýynsha, qazaqstandyqtar kóbine internet pen koll-ortalyqtarda joǵary jalaqyǵa jumys usynamyz degen ýádege senip, alaiaqtardyń arbaýyna túsip jatyr. Keiin olar qiyn jaǵdaiǵa tap bolyp, elshilikten kómek suraýǵa májbúr bolady.
«Ońtústik-Shyǵys Aziia elderine qazaqstandyqtar quldyqqa túsip jatyr degen aqparattar tarap júr ǵoi. Onyń bárin tekserdik. Óitkeni sońǵy eki jylda kóbeiip ketti. Biraq bul eshqandai da quldyq emes. Tek qana alaiaqtyq», - dedi ol.
Olar qazaqstandyqtarǵa joǵary jalaqy ýáde etip, jumysqa shaqyrady. Alaida biraz ýaqyt ótken soń, aldanǵan azamattar qiyn jaǵdaida qalyp, ne isterin bilmei dal bolady.
«Ailyqtary joǵary, bir jyldai jumys istep, aqshalaryn jinap alady da sosyn ne isterin bilmei, konsýlǵa zvondaidy: “Oibai, maǵan kómektesińizder, meni shyǵaryńyzdar”, – deidi. Biz baryp kómektesemiz. Olar elge keledi, qujattaryn aýystyrady, qaitadan barady aqsha jasaýǵa», - deidi resmi ókil.
Aibek Smadiiarovtyń aitýynsha, kóptegen qazaqstandyqtar bul uiymdardyń alaiaqtyq ekenin túsine tura jumys isteýge kelisedi. Sebebi olardyń joǵary bilimi men shet tilin bilý deńgeii jetkilikti, iaǵni jaǵdaidy saraptai alatyn múmkindik bar. Soǵan qaramastan, olar óz erkimen táýekelge baryp, keiin tyǵyryqqa tirelip jatady.
«Ony bilmeidi, sana-sezimi tómen dep aitýǵa bolmaidy. Bilmese eki til meńgergen, joǵary bilimi bar. Sondyqtan eshqandai da quldyq joq», - deidi ministrlik ókili.
