فوتو: Polisia.kz
سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ وڭتٷستٸك-شىعىس ازييادا قيىن جاعدايعا تاپ بولعان قازاقستاندىقتار جايلى پٸكٸر بٸلدٸرٸپ, بۇل قۇلدىق ەمەس, الاياقتىق ەكەنٸن اتاپ ٶتتٸ, دەپ جازادى zhasalash.kz.
ونىڭ ايتۋىنشا, قازاقستاندىقتار كٶبٸنە ينتەرنەت پەن كولل-ورتالىقتاردا جوعارى جالاقىعا جۇمىس ۇسىنامىز دەگەن ۋەدەگە سەنٸپ, الاياقتاردىڭ ارباۋىنا تٷسٸپ جاتىر. كەيٸن ولار قيىن جاعدايعا تاپ بولىپ, ەلشٸلٸكتەن كٶمەك سۇراۋعا مەجبٷر بولادى.
«وڭتٷستٸك-شىعىس ازييا ەلدەرٸنە قازاقستاندىقتار قۇلدىققا تٷسٸپ جاتىر دەگەن اقپاراتتار تاراپ جٷر عوي. ونىڭ بەرٸن تەكسەردٸك. ٶيتكەنٸ سوڭعى ەكٸ جىلدا كٶبەيٸپ كەتتٸ. بٸراق بۇل ەشقانداي دا قۇلدىق ەمەس. تەك قانا الاياقتىق», - دەدٸ ول.
ولار قازاقستاندىقتارعا جوعارى جالاقى ۋەدە ەتٸپ, جۇمىسقا شاقىرادى. الايدا بٸراز ۋاقىت ٶتكەن سوڭ, الدانعان ازاماتتار قيىن جاعدايدا قالىپ, نە ٸستەرٸن بٸلمەي دال بولادى.
«ايلىقتارى جوعارى, بٸر جىلداي جۇمىس ٸستەپ, اقشالارىن جيناپ الادى دا سوسىن نە ٸستەرٸن بٸلمەي, كونسۋلعا زۆوندايدى: “ويباي, ماعان كٶمەكتەسٸڭٸزدەر, مەنٸ شىعارىڭىزدار”, – دەيدٸ. بٸز بارىپ كٶمەكتەسەمٸز. ولار ەلگە كەلەدٸ, قۇجاتتارىن اۋىستىرادى, قايتادان بارادى اقشا جاساۋعا», - دەيدٸ رەسمي ٶكٸل.
ايبەك سماديياروۆتىڭ ايتۋىنشا, كٶپتەگەن قازاقستاندىقتار بۇل ۇيىمداردىڭ الاياقتىق ەكەنٸن تٷسٸنە تۇرا جۇمىس ٸستەۋگە كەلٸسەدٸ. سەبەبٸ ولاردىڭ جوعارى بٸلٸمٸ مەن شەت تٸلٸن بٸلۋ دەڭگەيٸ جەتكٸلٸكتٸ, ياعني جاعدايدى ساراپتاي الاتىن مٷمكٸندٸك بار. سوعان قاراماستان, ولار ٶز ەركٸمەن تەۋەكەلگە بارىپ, كەيٸن تىعىرىققا تٸرەلٸپ جاتادى.
«ونى بٸلمەيدٸ, سانا-سەزٸمٸ تٶمەن دەپ ايتۋعا بولمايدى. بٸلمەسە ەكٸ تٸل مەڭگەرگەن, جوعارى بٸلٸمٸ بار. سوندىقتان ەشقانداي دا قۇلدىق جوق», - دەيدٸ مينيسترلٸك ٶكٸلٸ.
