QR SIM resmi ókili Aibek Smadiiarov Avstriiada qiyndyqqa tap bolǵan qazaqstandyq otbasyǵa qatysty pikir bildirdi, dep habarlaidy "Ult aqparat".
«Atalǵan aqparat jergilikti BAQ-ta jariialandy. Bizdiń qolymyzdaǵy málimet boiynsha Baidelder otbasy Avstriianyń Nidelrvaldkirhen qalasynda shirkeýdiń janynda 2013 jyldan beri turyp jatyr. Olar - baspana suraýshy mártebesindegi otbasy. Turaqty jumys oryndary joq. Jergilikti áleýmettik kómek alyp otyr», - dedi ol SIM-de ótken brifing barysynda.
Onyń aitýynsha, Avstriiadaǵy jergilikti bilik olardy elde qaldyrýdan, baspana berýden bas tartqan.
«Osy oqiǵadan keiin otbasynyń músheleri men kórshileri, baspana berip, elde qaldyrýdy talap etip, kóshege shyqqan. Alaida sol eldiń zań boiynsha ol otbasyn elde qaldyrýǵa eshqandai negiz joq. Bizdiń konsýl bul otbasymen bailanys ustap otyr. Qajet bolǵan jaǵdaida olarǵa qajet kómek kórsetiletin bolady», - dedi ol.
