Duǵa degen bar ma? Ol adamǵa qalai áser etedi? "Qazir duǵany qaitaramyn" degen jarnamalar nege qaptap ketti? Kópti mazalaityn bul saýaldar "Pendemiz ǵoi" baǵdarlamasynda sóz bolyp, mamandar óz pikirin ortaǵa saldy, dep jazady Sputnik.
Baǵdarlamada dintanýshy Keńshilik Tyshqan duǵanyń baryn rastap, ony meditsina emes, tek abstraktili jolmen emdeýge bolatynyn aitty.
"Meditsina kómektese almaidy..."
"Siqyr duǵa dinderdiń kóbisinde bar. Emdeý joldary da ártúrli. Barlyq dinniń ereksheligi – paralleldi ómirge, ǵaiypqa sený. Qasietti kitaptarda da bul jii qamtylǵan.
Negizi, dýalanǵan nárseni abstraktili jolmen ǵana qaitarýǵa bolady. Ony meditsinamen jóndei almaisyz. Aqyrzaman jaǵdaiynda adamdardyń nieti, peiili buzylǵan. Sondyqtan dinmen tyiym salynsa da, adamdar oǵan júginip jatady", - deidi ol.
Dintanýshynyń pikirinshe, "dýany qaitaramyn" dep ózin jarnamalap júrgenderdiń 96 protsenti alaiaqtar.
"Iá, baqsynyń dýasy bireýge júredi, bireýge júrmeidi. Bul - birinshiden. Ekinshiden, shynymen de qasietti kisiler bolady dýany qaitara alatyn, biraq olar óte az. Sondyqtan qazir alaiaq kóp, ábden tekserip baryp qana barý kerek ondai kisilerge", - deidi ol.
Psiholog Serikgúl Salidyń aitýynsha, baqsy-balgerge óz-ózine senimsiz, saýatsyz adamdar barady. Degenmen ol dýanyń baryn joqqa shyǵarmaidy.
"Adamda energiia, aýra degen bar. Óz-ózine senimsiz, álsizdeý adamdar kishkentai sózdi de kótere almaidy. Aýyryp qalady. Bul adam aýrasy, adam energiiasy. Ol ǵylymi turǵyda dáleldengen nárse. Mine, osy adam aýrasyn jaqsy zerttegen energiiasy myqty adamdar ózgeniń energetikalyq aýrasyna enip, onyń psihikasyna áser ete alady. Bul ǵylymmen dáleldengen", - deidi psiholog.
Sondai-aq maman sýmen duǵalady degenge senýge bolatynyn aitady.
"Sýmen úshkirip jatady adamdy keide. Al sý – tiri aǵza. Búkil aqparatty boiyna sińirip alady. Al ony ishken adamda, árine bir kinárat bolýy múmkin", - deidi ol.
"Dýanyń betin tek Quranmen qaitarady..."
Al imam Dinmuhamed Smanov Quran Kárimde siqyr jaiynda kóp jazylǵanyn, tipti kezinde bireýler paiǵambardyń ózin dýalaǵanyn da aitty.
"Siqyr degen ras nárse. Quran Kárimde de siqyr jaiynda kóp aitylady. Onyń túr-túri bolady. Mysaly, Musa paiǵambardyń zamanynda siqyrshylar qatty damyǵan. Alla kómektesip, onyń dýasyn jylanǵa ainaldyrady", - deidi ol.
Imamnyń aitýynsha, duǵanyń eki túri bolady, biri – jaqsy, biri – jaman. Osy jamany adamdarǵa keri áser etip, erli-zaiyptylardy ajyratyp jatady nemese dáýreni júrip turǵan dáýletti adamdy aiaq-asty kembaǵal qyp barynan aiyrady.
"Bahara" súresinde erli-zaiyptylar arasyna jik salý, duǵalaý jaily aitylady. Otbasyǵa iritki salý - shaittanyń eń jaqsy kóretin amaly. Sondyqtan adamdar árdaiym jaqsy duǵada bolyp, namaz oqýy kerek. Tek Quran aiattaryn oqý arqyly dýanyń betin qaitarýǵa bolady", - deidi ol.
