Sidneide qarasha aiyndaǵy eń ystyq tún tirkeldi. Eki tún qatarynan temperatýra 39-dan túspegen. Meteobaqylaý qolǵa alynǵannan beri mundai ystyq tirkelmegen, dep habarlaidy Euronews.
Aýstraliiada óte ystyq bolyp tur. Jańa ońtústik Ýels, Ońtústik Aýstraliia shtatynda, Viktoriia shtatynyń soltústiginde aýa temperatýrasy Tselsii shkalasy boiynsha pliýs 45-ke jetken. Osyǵan bailanysty birqatar óńirde ot jaǵýǵa tyiym salyndy.
Jańa ońtústik Ýelste on shaqty jerden orman órtengen. Shtat biligi saq bolý kerektigin eskertti.
«Turǵyndar byltyrǵy jazdan keiin óńirimizge orman órti qaýpi joq dep sanaidy. Shtat aýmaǵynyń 90%-yn órt shalmaǵany ras. Alaida bul Jańa ońtústik Ýels shtatynyń 90 paiyzy byltyrǵydai orman órti shyǵýy qaýpi bar aýmaq ekenin bildiredi», - deidi Jańa ońtústik Ýels shtatynyń politsiiasy Devid Elliot:
Tabiǵi órt Sidnei shetindegi úilerge qaýip tóndirip tur. Qalada jańa rekord tirkeldi. Eldegi meteony baqylaý tarihynda keshegi tún qarashadaǵy eń ystyq tún retinde tirkeldi. Eki kún túnde qatarynan Sidneide temperatýra 39 gradýstan asyp ketti. Mundai oqiǵa 1960 jyldan beri tirkelmepti.
Meteorologtar ystyq aýa raiy aldaǵy birneshe kúnde ketpeidi dep otyr.
